Një anesteziolog në Francë dyshohet të ketë helmuar pacientët gjatë operacioneve për të shkaktuar ndalim të zemrës që më pas t’i kthente në jetë si heroi.

Në nëntë raste, megjithatë, sipas prokurorëve Dr Frederic Pechier kishte dështuar, duke bërë që njerëz të vdisnin, transmeton portali arbresh.info.

Pechier mohon akuzat që rëndojnë mbi të.

Prokurori Besanço Etienne Manteaux u tha gazetarëve të enjten për prova që lidhin Pecherin me 24 nga 66 incidentet e dyshimta që ndodhën gjatë procedurave kirurgjike në klinikën ku ai praktikoi.

“Z. Pechier shfaqet si emërues i përbashkët për këto ngjarje fatkeqe dhe serioze që duken të lidhura me një konflikt akute me anestezistë ose kirurgë të tjerë në klinikën Saint-Vincent”, tha Manteaux.

Pechier, 47 vjeç, është i dyshuar për injektimin e dozave vdekjeprurëse të klorurit të kaliumit ose anestetikave në qeskat e infuzioneve gjatë operacioneve të mira.

Pechier ka pranuar se veprimet penale janë kryer në klinikë, por tha se ai nuk ishte përgjegjës për ta, sipas prokurorit.

Pechier, i cili përballet me një dënim të përjetshëm, ka mohuar çdo keqbërje, por prokuroria ka kërkuar që ai të mbahet nën arrest para gjyqit./Arbresh.info/